పసిడి ప్రియులకు బిగ్ రిలీఫ్.. మళ్లీ దిగొస్తున్న బంగారం, వెండి ధరలు.. తులం ఎంతంటే?
పసిడి కొనుగోలు చేయాలనుకునే వారికి ఊరట లభించింది. గత కొన్ని రోజులుగా వరుసగా పెరుగుతూ వచ్చిన బంగారం, వెండి ధరలు తాజాగా తగ్గుముఖం పట్టాయి. పశ్చిమాసియాలో నెలకొన్న ఉద్రిక్తతలు, అంతర్జాతీయ మార్కెట్‌లో డాలర్-రూపాయి మారకం విలువల ప్రభావంతో బంగారం ధరల్లో హెచ్చుతగ్గులు కనిపిస్తున్నాయి. అయితే తాజాగా మార్కెట్‌లో బంగారం, వెండి ధరలు కాస్త దిగివచ్చాయి.
సోమవారం ఒక్కరోజే తులం బంగారం ధరపై రూ.1,400కు పైగా తగ్గుదల నమోదైంది. దీంతో బంగారం కొనుగోలు చేయాలని ఎదురుచూస్తున్న వారికి ఇది కొంత ఊరటనిచ్చే పరిణామంగా మారింది.
నేటి బంగారం ధరలు
మంగళవారం ఉదయం దేశీయ మార్కెట్‌లో 10 గ్రాముల 24 క్యారెట్ల బంగారం ధర రూ.1,42,900గా నమోదైంది. 22 క్యారెట్ల 10 గ్రాముల బంగారం ధర రూ.1,30,990గా ఉండగా, 18 క్యారెట్ల 10 గ్రాముల బంగారం ధర రూ.1,07,170 వద్ద కొనసాగుతోంది.
వెండి ధర
వెండి కూడా బంగారం బాటలోనే తగ్గుముఖం పట్టింది. ప్రస్తుతం దేశీయ మార్కెట్‌లో కిలో వెండి ధర రూ.2,34,900గా ట్రేడవుతోంది.
ప్రధాన నగరాల్లో బంగారం ధరలు
- హైదరాబాద్: 24 క్యారెట్లు – రూ.1,42,900 | 22 క్యారెట్లు – రూ.1,30,990
- విజయవాడ, విశాఖపట్నం: 24 క్యారెట్లు – రూ.1,42,900 | 22 క్యారెట్లు – రూ.1,30,990
- ముంబై: 24 క్యారెట్లు – రూ.1,42,900 | 22 క్యారెట్లు – రూ.1,30,990
- బెంగళూరు: 24 క్యారెట్లు – రూ.1,42,900 | 22 క్యారెట్లు – రూ.1,30,990
- ఢిల్లీ: 24 క్యారెట్లు – రూ.1,43,050 | 22 క్యారెట్లు – రూ.1,31,140
- చెన్నై: 24 క్యారెట్లు – రూ.1,43,990 | 22 క్యారెట్లు – రూ.1,31,990
ప్రధాన నగరాల్లో వెండి ధరలు
హైదరాబాద్, కేరళ, చెన్నై నగరాల్లో కిలో వెండి ధర రూ.2,39,900గా ఉంది. ముంబై, ఢిల్లీ, బెంగళూరు, పూణె, కోల్‌కతా నగరాల్లో కిలో వెండి ధర రూ.2,34,900 వద్ద కొనసాగుతోంది.
అంతర్జాతీయ మార్కెట్ పరిస్థితులు, డాలర్ బలపడటం, భౌగోళిక ఉద్రిక్తతలు వంటి అంశాల ప్రభావంతో బంగారం, వెండి ధరలు ప్రతిరోజూ మారే అవకాశం ఉంది. కాబట్టి కొనుగోలు చేసే ముందు స్థానిక జ్యువెలర్ల వద్ద తాజా ధరలను ఒకసారి నిర్ధారించుకోవడం మంచిది.
